माल्दिभ्स्मा आज संसदीय निर्वाचन   

माल्दिभ्स्मा शनिबार संसदीय निर्वाचन भएको छ। पूर्वराष्ट्रपति अब्दुल्ला यमिनलाई जबरजस्ती हटाइएपछि पहिलो पटक निर्वाचन भएको हो।

यस निर्वाचनमा पूर्व राष्ट्रपति मोहमद नशिद सबैभन्दा उच्च ओहदाका उम्मेदवार छन्। शनिबारको निर्वाचनबाट पिपल्स मज्लिस भनिने संसदका लागि ८७ जना निर्वाचित छन्।

गत सेप्टेम्बरमा भएको निर्वाचनमा नशिदकै पार्टीका अर्का नेता मोहम्मद इब्राहिम सोलिह विजयी भई यमिन पराजित भएपछि यमिनलाई निर्वासनमा भएका थिए। अहिले भने उनी स्वदेश फर्किएका छन्।

सोलिहले आइतबारको निर्वाचनबाट उनको पार्टी माल्दिभीयन डेमोक्र्याटीक पार्टी (एमडिपी) अत्यधिक मतका साथ विजयी हुने दाबी गरेका छन्। ‘मैले जोड दिएर भन्न चाहन्छु की, नयाँ संसदमा पनि हाम्रो उपस्थिति सशक्त हुनेछ, त्यो संसदले आफ्नो निती र कामहरुलाई पूर्ण समर्थन गर्ने अपेक्षा गरिएको छ,’ बिहीबार राति आयोजित चुनावी सभामा सोलिहले भनेका थिए।

नयाँ संसदमा नशिदको नै सवै भन्दा मुख्य भूमिका हुने अनुमान गरिएको छ। पूर्वराष्ट्रपति यमिन शक्तिमा भएका बेला नशिदलाई विवादास्पद आतंकवादसम्बन्धी मुद्दा लगाएर १३ वर्षे जेल सजाय सुनाइएको थियो। गत वर्ष राष्ट्रपति परिवर्तन भएपछि उनलाई दिएको जेल सजाय रद्द गरेर रिहा गरिएको थियो।

सेम्टेम्बरमा भएको निर्वाचनको बेला तत्कालिन विपक्षी दलका नेताहरु जेलमा वा निर्वासनमा रहेका कारण सोलिहबाहेक अन्य विपक्षी नेताहरु चुनावी मैदानमा थिएनन्। सोलिह निर्वाचित भएपछि उनले राजनीतिक बन्दीहरूलाई तत्काल जेलमुक्त गराएका थिए। त्यहीअनुसार नशिद जेलमुक्त भएका हुन्।

त्यो चुनावमा धाँधली भएको दाबी गर्दै तत्कालिन राष्ट्रपति यामिनले सुरुमा नतिजा अस्विकार गर्नु भएको थियो। तर अदालतले पनि निर्वाचनमा धाँधली नभएको फैसला गरेपछि उनी विपक्षी बन्न बाध्य भएका थिए। अहिलेको सलिह नेतृत्वको सरकारले यमिनलाई अनेक मुद्दा लगाएको छ।

माल्दिभ्समा पछिल्लो समय एक अर्का प्रतिको प्रतिशोधको राजनीति चर्किदै गएकाले राजनीतिक स्थिरता कायम हुन सकेको छैन।