Wednesday, February 21

Tag: त्रिभुवन अन्तर्राष्ट्रिय विमानस्थल

खुल्यो  त्रिभुवन अन्तर्राष्ट्रिय विमानस्थलको अवतरण   
समाचार

खुल्यो त्रिभुवन अन्तर्राष्ट्रिय विमानस्थलको अवतरण   

काठमाडौं : लगातारको वर्षाका कारण मौसम प्रतिकूल भएपछि अवरुद्ध त्रिभुवन अन्तर्राष्ट्रिय विमानस्थलको अवतरण खुल्ला गरिएको छ। ‘भिजिविलिटी’ नै नपुग्ने अवस्था आएपछि विमानस्थलले आन्तरिक तथा अन्तर्राष्ट्रिय उडानका सबै जहाजको अवतरण बन्द गराएको थियो। विमानस्थलबाट हुने दुवैतर्फका उडान भने रोकिएको थिएन। डेढघण्टापछि अवरुद्ध अवतरण शुरु गरिएको विमानस्थलका प्रवक्ता प्रतावबाबु तिवारीले जानकारी दिए। अवतरण बन्द हुँदा भारतको नयाँ दिल्लीबाट आएका नेपाल एयरलाइन्स र इण्डिगोका विमान आकाशमै फन्को लगाउँदै ‘होल्ड’ भएका थिए। कतिपय आन्तरिक उडानका जहाज पनि ‘होल्ड’मै थिए। उक्त विमानस्थलबाट दैनिक ७० भन्दा बढी अन्तर्राष्ट्रिय र करीब ३०० आन्तरिक उडान-अवतरण हुँदैआएको छ।  यसैबीच मौसमको खराबीका कारण लुक्लाबाट काठमाडौंका लागि उडेका सात हेलिकोप्टर विभिन्न स्थानमा आकस्मिक अवतरण भएका छन्। काभ्रेको पाँचखालमा चार र सिन्धुलीको नेपालथो...