अमेरिकामा २४ घण्टामा करिब २ हजार उडान रद्ध

अमेरिकामा २४ घण्टामा करिब २ हजार उडान रद्ध भएका छन्

संयुक्त राज्य अमेरिकामा कोभिड–१९ को संक्रमण बढ्दै गएपछि स्थानीय समयानुसार आइतबार बिहानसम्म करिब २ हजार उडानहरू रद्ध गरिएका छन् ।

आज बिहान ८ः३० बजेसम्म अमेरिकाभित्र वा बाहिर जम्मा एक हजार ९५६ उडानहरू रद्ध गरियो । जबकि अमेरिकाभित्र र बाहिर अन्य ८७० उडानहरू ढिलाइ भएको फ्लाइटअवेयरलाई उद्धृत गर्दै द हिलले जानकारी दिएको छ ।

द हिलका अनुसार, साउथवेस्टले आज २६४ उडान, जेटब्लुले १६९ उडान र डेल्टाले १६१ उडान रद्ध गरेको जनाएको छ । अमेरिकन एयरलाइन्सले आज १३६ उडान र युनाइटेडले ९४ उडान रद्ध गरेको मिडिया आउटलेटले जनाएको छ ।

आइतबार र क्रिसमसको पूर्वसन्ध्यालगायत विगत १० दिनहरूमा एयरलाइन्सहरूले अमेरिकामा १४ हजारभन्दा बढी उडानहरू रद्ध गरेका छन् फ्लाइटअवेयर तथ्यांकले जानकारी दिएको छ ।