Friday, February 23

‘क’ वर्गका बैंकमा ‘आरटिजिएस’ लागू, २ लाख बढी भुक्तानी गर्दा चेक काट्न नपर्ने

काठमाडौं : नेपाल राष्ट्र बैंकले रियल टाइम ग्रस सेटलमेन्ट (आरटिजिएस) प्रणालीको औपचारिक सुरुवात गरेको छ।

आइतबार राष्ट्र बैंकले प्रधान कार्यालय बालुवाटारमा एक कार्यक्रमका बीच रियल टाइम ग्रस सेटलमेन्ट (आरटिजिएस) प्रणालीको औपचारिक सुरुवात गरेको हो। राष्ट्र बैंकले पहिलो चरणमा ’क’ वर्गका बैंकहरुका लागि मात्र लागू हुनेगरी यो प्रणालीको सुरुवात गरेको हो।

यो प्रणालीले बैंकहरुले गर्ने ठूला कारोबारको सेलमेन्टका गर्दा ग्राहकले तत्कालै भुक्तानी लिन र दिन यो प्रणालीले सहयोग गर्ने छ । यसबाट  ब्यबसायी तथा कारोबारीले २ लाखभन्दा माथिको रकमका लागि एकाउन्ट पेयी चेक नकाटी भुक्तानी लिन र दिनसक्नेछन्। तर २ लाखभन्दा कम रकमका लागि भने एकाउन्ट पेयी चेक नै जारी गर्नुपर्ने हुन्छ ।

अहिलेको एकाउन्ट पेयी चेकको रकम खातामा जम्मा हुन समय लाग्ने र झन्झटिलो प्रक्रियालाई यो प्रणालीले हटाउने छ।  यो प्रणालीमा आबद्ध भएका बैंक तथा वित्तीय संस्थाले स्ट्रेट थट प्रोसेसिङ (एसटीपी) मार्फत कारोबार संचालन गर्नुपर्ने हुन्छ।

यसबाट कारोबार गर्नका लागि बैंक तथा बित्तिय संस्थाले भुक्तानी लिन दिन गरेको लिखित आदेश दिएको औसत १० मिनेट भित्र कारोबार सम्पन्न हुने राष्ट्रबैंकले बताएको छ। आरटिजिएस प्रणाली भदौ २५ गतेदेखि कार्यान्वयनमा आए पनि औपचारिक घोषणा आइतबार गरिएको हो।

Leave a Reply

Discover more from खबरगृह

Subscribe now to keep reading and get access to the full archive.

Continue reading