Monday, February 26

आइपिएल : बैंग्लोरलाई हराउँदै सन्दीप आबद्ध दिल्ली प्लेअफमा

भारतमा जारी १२ औँ संस्करणको इन्डियन प्रिमियर लिगअन्तर्गत जारी खेलमा दिल्ली प्लेअपमा उक्लिएको छ। दिल्लीले रोयल च्यालेन्सर बैंग्लोरलाई १७ रनले हराउँदै प्लेअपमा उक्लिएको हो। सन् २०१२ पछि दिल्ली पहिलोपटक प्लेअपमा पुग्न सफल भएको हो।

टस जितेर पहिला ब्याटिङ रोजेको दिल्ली २० ओभरमा पाँच विकेट गुमाउँदै बैंग्लोरसामू १८८ रनको विशाल लक्ष्य प्रस्तुत गरेको थियो। दिल्लीले दिएको १८८ रनको लक्ष्य पछ्याएको बैंग्लोर २० ओभरमा ७ विकेट गुमाउँदै १७१ रनमा समेटियो।

दिल्लीका लागि श्रेयस अय्यरले सर्वाधिक ५२ रन जोड्दा शिखर धवनले अर्ध सतक पूरा गरे। शेफर्न रदरफर्डले २८ रन बनाए भने पृथ्वी पटेलले १८ रनको योगदान दिए। अक्षर पटेलले १६ रनको योजदान दिँदा कालिन इनग्रमले ११ रनको जोडे। अरू खेलाडीले दोहोरो रन बनाउन सकेनन्। त्यस्तै, बैंग्लोरका लागि युजवेन्द्र चहलले २ विकेट र उमेश यादव, वाशिन्टन सुन्दर र नवदीप सैनीले १/१ विकेट लिएका थिए।

त्यस्तै, बैंग्लोरका लागि पार्थिव पटेलले ३९ रन, मार्कस स्टायनिसले ३२, गुरकीरत सिंह मानले २७, विराट कोहलीले २३, शिवम दुबेले २४ रन एबी डी विलियर्सले १७ रन लिए भने अन्य खेलाडीले दोहोरो रन लिन सकेनन्। त्यस्तै दिल्लीका लागि अभित मिश्रा र कगिसो रबाडाले समान दुई दुई विकेट लिए भने इशान्त शर्मा, अक्षर पटेल र शेफर्न रदरफर्डले एकएक विकेट हात पारे।

आइतबारको दोस्रो खेल कोलकत्ता नाइट राइडर्स र मुम्बइ इन्डियन्ससँग हुँदै छ। यी दुवै टिमबीच नेपाली समयअनुसार साँझ ८:१५ बजेबाट खेल हुँदैछ।

Leave a Reply

Discover more from खबरगृह

Subscribe now to keep reading and get access to the full archive.

Continue reading