डेल स्टेनले आइपिलका बाँकी खेल गुमाउने

भारतमा जारी सर्वाधिक ठूलो लिग इन्डियन प्रिमियर लिग (आइपिएल) मा रोयल च्यालेन्जर्स बैंगलोर (आरसीबी) बाट खेलिरहेका दक्षिण अफ्रिकी खेलाडी डेल स्टेनले बाँकी खेल गुमाउने भएका छन् ।

खेलका दौरान पाखुराको चोट लागेपछि तीव्र गतिका बलर स्टेनले आइपिएलका बाँकी खेल गुमाउन भएका हुन् । स्वास्थ्यका कारण उनले बाँकी खेल नखल्ने भएको आरसीबीले विज्ञप्ति जारी गरेर बताएको छ।

‘पाखुरामा लागेको चोटका कारण डेल स्टेनलाई पर्याप्त आरामको जरुरी छ । त्यसैले यो सिजनका बाँकी खेल खेल्न उनी आरसीबीका लागि उपलब्ध हुने छैनन्,’ आरसीबीले जारी गरेको विज्ञप्तिमा उल्लेख छ ।